Zoezi la sensa ya Majaribio lakamilika Tandahimba

Posted on: September 20th, 2021

Na Kitengo cha Habari na Mawasiliano

Zoezi la sensa ya majaribio katika kijiji cha Bandari Kitongoji cha Ruvuma kata ya Michenjele Wilaya ya  Tandahimba  limekamilika ambapo kaya 175  na nyumba 197  zimehesabiwa

Miongoni mwa nyumba ambazo zimehesabiwa kwenye sensa ya majaribio kijiji cha bandari

Mratibu wa sensa  Wilaya ya Tandahimba ndugu Karimu Mputa amesema zoezi hilo limekamilika Septemba 19,2021 kwa ushirikiano mkubwa wa kamati ya sensa Mkoa, Wilaya na Taifa  sambamba na wananchi kutoa ushirikiano kwa makarani wachukua taarifa

Mratibu wa Sensa Wilaya ya Tandahimba ndugu Karim Mputa akielezea jambo

“Zoezi limekamilika kwa mafanikio makubwa kaya zote 175  na nyumba 197 zimehesabiwa ,wananchi wametoa ushirikiano  kwa makarani  ambao wamepita kwenye kaya zao ,tunashukuru kamati za sensa ngazi ya kata na kijiji  kwa kufanya uhamasishaji kwa wananchi ,tunaamini zoezi hili litaleta dira nzuri  kwa sensa ya mwaka 2022,”amesema Mratibu

Mkuu wa Wilaya ya Tandahimba Mhe.Kanali Patrick Sawala akiwa na baadhi  ya wakazi wa kijiji hicho

Aidha  amesema   sensa ya majaribio katika  kijiji hicho  wameweza kuhoji kaya zote,kuhesabu nyumba zote na kusajili  anwani zote za makazi kwa kutumia mfumo wa Tehama (CSEntry na Napa) kufanya kazi kwa ufasaha

Karani wa sensa akichukua taarifa kwa mkazi wa kijiji cha bandari  na kujaza moja kwa moja kwa kutumia  kishikwambi

Sensa ya majaribio katika kijiji cha Bandari ilianza Septemba 8,2021 na kukamilika Septemba 19,2021 ambayo itatoa dira kwa sensa itakayfanyika Agosti 2022