Zaidi ya Sh.Mil 212 zatumika kuhaulishwa kwa kaya 6175 Tandahimba

Posted on: November 3rd, 2021

Na Kitengo cha Habari na Mawasiliano

Kiasi cha shilingi 212,234,000 zimetumika kuhaulishwa kwa   kaya  6175 kwa wanufaika wa Mpango wa kunusuru kaya maskini (TASAF) kwa vijiji 88 katika Halmashauri ya Wilaya ya Tandahimba

Mratibu wa TASAF Tandahimba Ismaely Mbilinyi(aliyesimama) akizungumza na wanufaika wa kijiji cha Mkonjowano

Akitoa tathmini ya zoezi la uhaulishaji  ambalo limefanyika  kwa vijiji 88 Mratibu wa TASAF Wilaya ya Tandahimba ndugu Ismaely Mbilinyi amesema kuwa zoezi hilo limefanikiwa na kukakamilika kwa muda uliopangwa  kwa malipo ya mwezi Mei-Juni ,2021

Amesema shilingi 213,304,000 zilitakiwa ziwafikie walengwa 6214 kwa  vijiji 88 ambavyo vipo kwenye mpango lakini  shilingi 1,070,000 za walengwa wa kaya 39  hazikuwafikia kwasababu mbalimbali ikiwemo kuwa mbali na maeneo yao wakati wa malipo,kaya 8 walengwa wamefariki dunia  na walengwa 10 wamefuzu  katika mpango huo

Walengwa wakiwa kwenye  kituo cha malipo ambapo pia walipata huduma ya elimu na chanjo ya Uviko-19

“Tunashukuru zoezi limefanikiwa kwa kiasi kikubwa,walengwa wa kaya ambazo zina wanafunzi wahakikishe wanapatiwa mahitaji muhimu ya shule,lakini pia tunawaomba walengwa wakati wa zoezi la malipo wawepo katika vituo vyao ili walengwa wote waweze kupata malipohayo kwa wakati ,”amesema ndg Mbilinyi

Mratibu amesema miongoni mwa changamoto ambazo wamekutana nazo ni pamoja na  majina ya walengwa kutofautiana na namba zao za usajili wa vitambulisho vya Taifa(NIDA)