Wito watolewa kwa Viongozi wa Dini,Viongozi wa Kimila na Wazee Maarufu kutoa Elimu ya Kupinga Ukatili katika jamii

Posted on: November 18th, 2022

Na Kitengo cha Mawasiliano

Wito umetolewa kwa viongozi wa dini ,wazee maarufu na viongozi wa Mila Halmashauri ya Wilaya ya Tandahimba kuendelea  Elimu kwa jamii inayowazunguka ili kutokomeza vitendo vya ukatili kwa wanawake na watoto

Akitoa Wito huo Novemba 18,2022 katika Ukumbi wa mikutano wa Halmasahauri Kaimu Mkurugenzi Mtendaji Halmashauri ya Wilaya ya Tandahimba  Ndg,Robert Mwanawima amesema washiriki hao wana nafasi katika jamii inayowazunguka ili kupinga ukatili

“Vitendo vya ukatili  wa  kijinsia  katika jamii yetu upo ambapo mna nafasi kubwa ya kutoa elimu kwa jamii ili kupinga vitendo vya Ukatili wa kijinsia  kila mmoja katika nafasi yake,’amesema Ndg.Mwanawima

Naye Mratibu wa Dawati la Jinsia Halmashauri ya Wilaya ya Tandahimba Bi.Neema Shungu akifafanua hali ya Ukatili kwa wanawake wa Tandahimba amesema wanawake wanaathirika na ukatili wa Kisaikolojia,Kihisia,kimwili,kiuchumi na kingono

Aidha naye Afisa Ustawi wa Jamii  Bi.Gift Limbanga amesema kutokana na elimu wanayotoa kuhusu haki za watoto kwa kiasi kidogo jamii imeelimika kuhusiana na  Ukatili  wa Kijinsia na Unyanyasaji wa watoto

Nao washiriki wa kikao kazi hicho kwa nyakati tofauti wamesema kuwa wataendelea kutoa elimu  kwa jamii kushirikiana na  viongozi wa vitongoji waliopo katika maeneo yao ili kuzuia vitendo vya  ukatili  wa kijinsia kwa wanawake na watoto