CMT TANDANDAHIMBA KAZINI UKAGUZI WA MIRADI.

Posted on: September 22nd, 2025

Timu ya Menejimenti ya Halmashauri ya Tandahimba (CMT)  ikiongozwa na Mkurugenzi Mtendaji wa Halmashauri hiyo  DCI.Mariam Mwanzalima imefanya ziara ya siku mbili ikitembelea na kukagua miradi ya Maendeleo yenye thamani ya zaidi ya Shilingi Bilioni 4. 

Mkurugenzi Mtendaji DCI.Mariam Mwanzalima amewasisitiza wasimamizi wa miradi katika maeneo husika kuongeza kasi ya ujenzi iweze  kukamilika kwa wakati ili itoe huduma iliyokusudiwa kwa wananchi.

Katika ziara hiyo Menejimenti imekagua Miradi mbalimbali  inayotekelezwa katika Halmashauri hiyo na kutoa maelekezo mahususi ya namna bora ya kukamilisha miradi hiyo kwa viwango vilivyowekwa.

Aidha, Miradi iliyotembelewa na CMT ni pamoja na sekta ya Elimu ikijumuisha ujenzi wa Madarasa, Nyumba za walimu na Matundu ya Vyoo, Sekta ya Afya  na sambamba na Sekta ya Mifugo .