COOP BANK TANDAHIMBA YAMTEMBELEA DED MWANZALIMA.

Posted on: September 16th, 2025

Benki ya Ushirika Tanzania (Coop Bank) tawi la Tandahimba imemtembelea Mkurugenzi Mtendaji wa Halmashauri ya Wilaya ya Tandahimba DCI.Mariam Mwanzalima kwa lengo la kumpongeza na  kusherehekea pamoja katika kumbukizi ya  siku yake ya kuzaliwa ambayo ni  Septemba 15, 2025 ikiwa ni sehemu ya kutambua mchango wake katika kuanzishwa na kuendelezwa kwa benki hiyo.

Katika mazungumzo yaliyofanyika ofisini kwake, uongozi wa Coop Bank ukiongozwa na Meneja wa Tawi la Tandahimba Salumu Halfani umemkabidhi zawadi maalum kama ishara ya pongezi na shukrani.

DED Mwanzalima ni  miongoni mwa waanzilishi wa Coop Bank na amekuwa  mjumbe wa bodi ya mpito tangu kuanzishwa kwake mnamo Mwaka 2024,

 nafasi iliyomuwezesha kuchangia kwa kiasi kikubwa maendeleo ya benki hiyo.

Aidha, Halmashauri ya Wilaya ya Tandahimba ni mwanahisa wa Benki hiyo ya Ushirika  ambapo viongozi hao wamejadili mambo mbambali ikiwemo namna ya kuwawezesha wananchi kiuchumi kupitia mikopo nafuu kwa wakulima na Wajasiriamali wadogo, elimu ya fedha, na huduma za kisasa za kibenki.

Kwa upande wake, Mkurugenzi Mtendaji huyo ameishukuru Coop Bank kwa kutambua mchango wake na kuahidi kuendeleza ushirikiano uliopo kwa maslahi ya wananchi wa Tandahimba na taifa kwa ujumla.