WAZIRI MKUU MHE.KASSIM MAJALIWA AFANYA ZIARA YA KIKAZI WILAYANI TANDAHIMBA

Posted on: August 13th, 2023

Na Kitengo cha Mawasiliano

Waziri Mkuu wa Jamhuri ya Muungano wa Tanzania Mhe.Kassim Majaliwa amefanya ziara ya siku moja Halmashauri ya Wilaya ya Tandahimba ambapo amekagua miradi ya maendeleo na kuzungumza na wananchi  kwenye mkutano wa hadhara

Akiwa katika ziara yake Agosti 13,2023 amekagua mradi wa ujenzi wa kiwanda cha Kubangua Korosho cha Organic Growth,ujenzi wa kituo cha afya Kitama,ujenzi wa shule mpya ya msingi Mambamba na amezindua mradi wa Maji Kitama

Aidha Waziri Mkuu ameipongeza miradi hiyo na kusistiza kuwa nia ya Serikali ni kuona  miradi inatekelezwa  kwa wakati na ubora unaotakiwa

Akizungumza na wananchi kwenye Uwanja wa Majaliwa Waziri Mkuu amewasistiza wakulima kujikita katika kuongeza thamani ya korosho kwa kuzibangua na kuanzisha viwanda vya ubanguaji

Hata hivyo amesistiza hatua kali zichukuliwe kwa yoyote atakayebainika kuhusika kuhujumu pembejeo za wakulima ambazo zimetolewa na Serikali ili ziwasaidie wananchi kuongeza uzalishaji