WAZAZI NA WALEZI WAASWA KUIMARISHA ULINZI NA USALAMA WA WATOTO DHIDI YA VITENDO VYA UKATIL WA KIJINSIA.

Posted on: December 10th, 2024

Na Kitengo cha Mawasiliano. 

Wazazi na wallezi wametakwia kuimarisha ulinzi na usalama wa watoto sambamba na kutokomeza  vitendo vya ukatili wa kijinsia katika jamii .

Hayo amesema  Mhe  Kanali Michael Mntenjele kwa niaba ya Mkuu wa  Mkoa wa Mtwara  kwenye maadhimisho ya kilele cha Kampeni ya Siku 16 za kupinga ukatili  wa kijinsia yaliyofanyika Kimkoa Wilayani Tandahimba leo Desemba 10,2024.

Amesema bado vitendo vya ukatili  vipo kwenye jamii ambapo  ukatili  wa kihisia unaongoza  ukifuatiwa na utelekezaji wa watoto." Changamoto kubwa ni ukimya unaotawala kwenye familia linapotokea suala la ukatili lakini nitoe rai kwa wadau na familia kutoa taarifa pale ukatili unapotokea.

Aidha amewakumbusha wazazi na walezi kuhakikisha fedha walizopata zinawasaidia watoto kwa ajili ya mahitaji muhimu ya shule mara shule zitakapofunguliwa Januari mwaka 2025.

 Kwa upande wake mwakilishi wa Asasi za kiraia Mkoa wa Mtwara ndugu Baltazari Komba amesema kila aina ya ukatili huleta atharii katika jamii hivyo elimu inaendelea kutolewa kwa wananchi ili kujenga uelewa na kutokomeza vitendo hivyo.

Kauli mbiu ya maadhimisho hayo Mwaka huu ni "Kuelekea Miaka 30 ya Beijing Chagua Kutokomeza Ukatili wa Kijinsia"