“WAZAZI NA WALEZI MSIWAACHIE WATOTO VIFAA VYA KIDIGITALI BILA UANGALIZI WA KARIBU”

Posted on: June 15th, 2023

Na. Kitengo cha Mawasiliano

Wito umetolewa kwa wazazi na walezi kuzingatia matumizi sahihi ya vifaa vya kidigitali sambamba na kuwasimamia wanapovitumia ili kuwalinda na vitendo vya ukatili

Hayo yamesemwa Juni 15,2023 na Mwakilishi wa Mkuu wa Wilaya yaTandahimba  Ndg.Francis Mkuti  katika maadhimisho ya Siku ya Mtoto wa Afrika Kiwilaya  ambapo Halmashauri ya Wilaya ya Tandahimba yameadhimishwa katika Kata ya Nambahu

"Uangalizi na ukaribu wakati wa matumizi ya vifaa hivi vya kidigitali kama vile simu janja  wa kuzingatiwa ili kuwaepusha watoto na mitandao ya kijamii ambapo  imechukua nafasi ya malezi ambayo haipo kwa nia njema badala yake mtumie muda kuzungumza nao ili kuwapa elimu,tumieni kupiga namba 116 bure kutoa taarifa za ukatili wa mtoto ," amesema Ndg. Mkuti

Katika taarifa yake  Mkuu wa Idara ya Maendeleo ya Jamii Halmashauri ya Wialaya ya Tandahimba Ndg.Aloyce Massau amesema  zipo mila na mifumo inayopelekea wazazi kutengana na kusababisha watoto kukosa haki zao za msingi  na  kupelekea kuwa na wimbi kubwa la watoto wanaoishi katika maisha magumu

Jumla ya Kamati 30 za ulinzi na usalama wa  mtoto zimeundwa katika Halmashauri ya Wilaya ya Tandahimba ili kuendelea kutoa elimu kwa ,kauli mbiu ya mwaka huu "Zingatia usalama wa mtoto katika ulimwengu wa Kidigitali"