Wazazi na Walezi hakikisheni Watoto chini ya Miaka mitano wanapata Chanjo ya Polio awamu ya nne –Dc Sawala

Posted on: December 25th, 2022

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala amewataka wazazi na walezi wenye watoto chini ya miaka mitano kuhakikisha wanapata chanjo ya Polio awamu ya nne ili kuwakinga watoto na ugonjwa wa Polio

Amesema hayo wakati akifungua kikao cha Kamati ya Afya ya Msingi (PHC) kilichofanyika Novemba 25,2022 katika Ukumbi wa Mikutano wa Halmashauri ambapo amesema kuwa Kampeni ya Kitaifa ya Chanjo ya Polio Awamu ya nne  itaanza rasmi Disemba 1 hadi Disemba 4,2022

“Ili kuhakikisha watoto wanakingwa na ugonjwa wa Polio Serikali imeamua kurudia zoezi la Kampeni ya Polio awamu ya nne ambalo  litafanyika pia katika Wilaya yetu,’amesema Dc

Lengo la Kampeni ya awamu ya nne  ni kuhakikisha watoto wote chini ya miaka mitano ambao hawakupata chanjo ya Polio awamu ya tatu wanapata na ambao walichanjwa awamu ya tatu wanachanjwa tena

Halmashauri ya Wilaya ya Tandahimba Katika Kampeni ya  Chanjo ya Polio awamu ya nne inatarajia kuwafikia watoto  46,249