WATUMISHI WA AFYA NGAZI YA WILAYA WAPATIWA MAFUNZO YA MFUMO WA KIDIGITALI -AFYASS

Posted on: December 15th, 2023

Na Kitengo cha Mawasiliano.

Watumishi wa Afya ngazi ya Wilaya Halmashauri ya Wilaya ya Tandahimba  wamepatiwa mafunzo ya mfumo wa kidigitali wa ufanyaji wa usimamizi shirikishi ( AFYASS-Afya Supportive Supervision System).

Akizungumza kwenye mafunzo hayo ya siku mbili ambayo yamehitimishwa leo Disemba 15,2023 kwenye ukumbi wa mikutano wa Hospitali ya Wilaya ya Tandahimba Mwezeshaji Ndugu.Edward Ngonyani amesema kuwa  mfumo huo umelenga kuondokana na utumiaji wa karatasi.

Aidha amesema umuhimu wa mfumo huo ni kuweza kuratibu shughuli za usimamizi na tathmini ya taarifa na mifumo ya Afya,kufanya tathmini ya maazimio ya simamizi shirikishi zilizofanyika na kuwezesha kukabiliana na changamoto za utoaji wa huduma za Afya.

Mafunzo hayo yameratibiwa na Ofisi ya Katibu Tawala Mkoa wa Mtwara  kwa kushirikiana na UNICEF lengo ni kuwajengea uwezo ili kuweza kutumia mfumo huo mpya.