Watumishi na Wananchi Tandahimba washiriki Michezo kuadhimisha Miaka 61 ya Uhuru

Posted on: December 8th, 2022

Na Kitengo cha Mawasiliano

Kuelekea Maadhimisho ya Miaka 61 ya Uhuru watumishi na wananchi wameshiriki michezo mbalimbali sambamba na usomaji wa Insha kwa wanafunzi wa Shule ya Msingi na Sekondari

Michezo hiyo imefanyika Disemba 8,2022 katika Kiwanja cha Mpira shule ya Msingi Amani iliyopo Kta ya Tandahimba ambapo  michezo mbalimbali ilikuwepo

Akizungumza katika eneo hilo Katibu Tawala Ndg.Juvenile Mwambi amesema kuwa michezo ni afya  hivyo kuelekea miaka 61 ya Uhuru  muhimu kuimarisha afya ili kuendelea kuleta maendeleo

“Michezo ni afya  hivyo kuelekea katika maadhimisho ya miaka 61 ya uhuru tumekuja kuadhimisha kwa kufanya michezo mbalimbali ili kuimarisha afya zetu lakini pia kusikiliza wanafunzi insha ambazo zinazungumzia miaka 61 ya Uhuru wetu,”amesema Das

Katika upande wa Insha wananfunzi sita wa shule ya msingi watatu na Sekondari watatu waliibuka washindi  baada ya kuwasilisha insha zao na kusikilizwa na kamati maalum ambapo wanafunzi hao watakabidhiwa zawadi zao katika  Kongamano la maadhimisho ya Miaka 61 ya Uhuru yaytakayofanyika katika Ukumbi wa mikutano wa Halmashauri Disemba 9,2022