WATUMISHI 512 KUNOLEWA MFUMO WA NeST TANDAHIMBA.

Posted on: January 22nd, 2024

Halmashauri ya Wilaya ya Tandahimba imeleta Mtaalamu wa Mfumo  wa  Ununuzi kwa Njia ya Mtandao (NeST) kwa ajili ya kuwafundisha  Watumishi mbalimbali wa Halmashauri hiyo ili waweze kutekeleza Miradi ya Maendeleo kupitia Mfumo huo.

Akifungua mafunzo hayo Leo Januari 22, 2024,  Kaimu Mkurugenzi Mtendaji wa Halmashauri hiyo  Joshua Mgoli amesema mafunzo hayo ni muhimu katika kutekeleza Miradi ya Maendeleo na kuongeza kuwa Hakuna manunuzi yoyote yatakayofanyika nje ya Mfumo wa NeST ,  akiwasisitiza wataalamu  kuyafanyia kazi ili shughuli zote za Maendeleo zinazotekelezwa kwa Mfumo huo zisikwame.

"Tuwe makini na Mafunzo haya yakasaidie taasisi yetu katika kutekeleza Miradi ya Maendeleo kupitia Mfumo huu, hatutarajii baada ya Mafunzo haya sababu ya kukwama kwa Miradi iwe ni NeST"Mgoli

Jumla ya Watumishi 512 wanatarajia kupata Mafunzo hayo kwa Muda wa Siku Saba katika ukumbi wa Mikutano wa Halmashauri

.