Watoto 40428 wachanjwa chanjo ya polio Tandahimba

Posted on: May 21st, 2022

Na Kitengo cha Habari na Mawasiliano

Watoto 40428 sawa na asilimia 118 wamechanjwa katika Kampeni ya Kitaifa ya siku nne ya Utoaji wa Chanjo ya Polio kwa watoto chini ya umri wa miaka mitano katika Halmashauri ya Wilaya ya Tandahimba

Akizungumzia Kampeni hilo Mratibu wa Chanjo Ndg.Juma Makame amesema kuwa lengo la Halmashauri ni kupata watoto 34984 kwa siku nne  ambapo kwa siku nne(4)  lengo limefikiwa 

Kampeni hiyo ilianza  Mei 18,2022 ambapo watoto waliochanjwa chanjo ya polio  siku ya kwanza  9647 sawa na asilimia 113,siku ya pili Mei 19,2022  watoto 11275 sawa na asilimia 132 ,siku ya tatu Mei 20,2022 watoto 11754 sawa na asilimia 137 na siku ya nne Mei 21,2022 watoto 7752 sawa na asilimia 90.6

“Kampeni hii tulikuwa tunapita nyumba kwa nyumba,vituo vya watoto (awali) ambapo tumeweza kufikia lengo letu , kwa siku tulitakiwa tuwe tunachanja watoto 8562 ili tuweze kufikia lengo  la watoto 34248  ambalo tumefikia na tumepita,”amesema Mratibu

Kaimu Mganga Mkuu Halmashauri ya Wilaya ya Tandahimba Dkt.Grace Paul (wa kwanza upande wa kulia) akiwa pamoja na wataalamu wa afya  wakipita nyumba kwa nyumba kuchanja chanjo ya polio

Aidha wananchi kwa nyakati tofauti wameipongeza Serikali kwa hatua za haraka walizochukua  ili kuwakinga watoto  na madhara  kwa kuwapa chanjo ya polio  ya nyongeza

Katika kampeni hiyo nyumba ambazo watoto wamechanjwa chanjo ya polio  wameweka alama lakini pia  zile ambazo hazikuwa na watoto chini ya miaka mitano ziliwekwa alama pia