Watoto 11090 wachanja Chanjo ya Polio Halmashauri yaTandahimba

Posted on: September 1st, 2022

Na.Kitengo cha Mawasiliano

Watoto wenye umri  chini ya miaka mitano 11090 sawa na asilimia 109.24 wamechanja  chanjo ya Polio ya matone  ikiwa ni siku ya kwanza ya Kampeni ya Kitaifa ya Utoaji wa Chanjo ya Polio Awamu ya Tatu katika  Halmashauri ya Wilaya ya Tandahimba

Akitoa takwimu hiyo Septemba 1,2022 Kaimu  Mganga Mkuu Halmashauri ya Wilaya ya Tandahimba Dk.Grace Paul amesema  wazazi na walezi wamehamasika kufika katika vituo vya kutolea  huduma ya afya na watoa huduma ya afya kutembelea nyumba  kwa nyumba kutoa chanjo  ya Polio ili kuwakinga watoto

“Tunameanza  chanjo ya polio katika maeneo yetu wazazi na walezi wanajitokeza kuchanja watoto wao lakini pia watoa huduma ya afya wanatembelea nyumba hadi nyumba zenye watoto chini ya miaka mitano kuwapa chanjo,kwaiyo tumeanza vizuri maana tumepita lengo la siku,”amesema Dk.Paul

Aidha amesema kuwa  Katika Kampeni hii Lengo  ni kuchanja watoto wasiopungua 40607 kwa siku nne  katika Halmashauri ya Tandahimba ambapo lengo la siku ni kuchanja watoto 10152

Kampeni ya Kitaifa ya Utoaji wa Chanjo ya Polio ya matone kwa watoto wenye umri chini ya miaka mitano inaendelea ambapo  imeanza Septemba 1,2022 na itamalizika  Septemba 4,2022