Watoa huduma za afya washiriki mafunzo ya Huduma muhimu kwa wajawazito

Posted on: September 19th, 2022

Na Kitengo cha Mawasiliano

Watoa huduma za afya  wametakiwa kuratibu huduma  bora za mama na mtoto ili kuhakikisha  vifo vitokanavyo  na changamoto za uzazi na watoto wachanga havitokei  katika Halmashauri ya Wilaya ya Tandahimba

Ameyasema hayo Kaimu Mkurugenzi Mtendahi Halmashauri ya Wilaya ya Tandahimba Ndg.Raphael Mputa wakati akifungua mafunzo ya Huduma Muhimu kwa Wajawazito leo Septemba 19,2022 katika Ukumbi wa Mikutano wa Halmashauri

”Zingatieni mafunzo haya ili kuhakikisha Halmashauri yetu tunaondoa kabisa tatizo la vifo vitokanavyo na uzazi ,mikakati iliyopo ni kuhakikisha huduma zinapatikana karibu na mwananchi kwa wakati wote,”amesema Ndg.Mputa

Naye Kaimu  Mganga Mkuu Halmashauri ya Wilaya ya Tandahimba Dk.Grace Paul ameeleza kuwa  changamoto ya uwepo  wa vifo vya uzazi lipo katika Halmashauri yetu vikihusisha sababu  mbalimbali ikiwemo Wajawazito kuchelewa kupata huduma za kitaalamu

Aidha naye Mwezeshaji wa mafunzo hayo Dk.Omary Kilume  amesemawatoahudumawakizingatia mafunzo hayo yatawasaidia kupunguza au kuondoakabisa vifo vitokanavyo na uzazi ambapo miongoni mwa sababu  ni v kutoka damu nyingi baada ya kujifungua  na kifafa cha mimba

Jumla ya Watoa huduma za afya mia moja themanini (180) watapata mafunzo hayo kwa siku tisa ili kuwajengea uwezo katika eneo la mama na mtoto ili waweze kuendelea kutoa huduma bora