Watoa huduma wa afya Tandahimba kupewa mafunzo ya lugha za alama

Posted on: June 1st, 2021

Na Kitengo cha Habari na Mawasiliano

Watoa huduma idara ya afya ngazi ya Hospitali ya Wilaya na vituo vya afya katika Halmashauri ya Tandahimba wanatarajia kupewa mafunzo ya lugha za alama ili kurahisisha mawasiliano wakati wa kutoa huduma za afya kwa wenye ulemavu wa kusikia(viziwi)

Mkurugenzi Mtendaji wa Halmashauri ya Wilaya ya Tandahimba ndg.Said Msomoka amesema kuwa mafunzo hayo yatawasaidia  watoa huduma kuwasiliana na viziwi wanapokuja kupata huduma

Mkurugenzi Mtendaji ndg.Said Msomoka  akielezea umuhimu wa mafunzo hayo yakavyowasaidia watoa huduma

“Mafunzo haya ambayo watapatiwa watoa huduma yatawasaidia kuwasiliana na watu wenye ulemavu wa kusikia (viziwi) pale wanapohitaji huduma  mbalimbali za kiafya katika vituo vya afya ,”amesema Msomoka

Naye Mratibu wa mradi wa kuboresha mawasiliano  wa huduma  kwa viziwi katika sekta ya afya ambao unasimamiwa na Chama Cha Viziwi Tanzania (CHAVITA)  Mtwara ndg.Kassim Mchindula amesema kuwa  mradi huo  utapunguza changamoto mbalimbali za mawasiliano kwa kundi hilo Wilayani Tandahimba

Mkalimani wa lugha za alama akiwafafanulia maelezo  kiongozi wa  chavita tawi la Tandahimba na

“Viziwi hupata changamoto ya mawasiliano wanapokwenda kupata huduma katika hospitali na vituo vya afya  hivyo mradi huu utasaidia kutoa mafunzo ili watoa huduma waweze kuwa na uelewa wa jinsi ya kuwasiliana na watu wenye ulemavu wa kusikia,”amesema ndg. Mchindula

Halmashauri ya Tandahimba ina jumla ya viziwi 3195 kwa idadi ya sensa ya mwaka 2012  ambapo mradi wa mawasiliano utawafikia