WATOA HUDUMA NGAZI YA VITUO VYA AFYA NA ZAHANATI WAANZA KUPATIWA MAFUNZO YA MFUMO WA KIELEKTRONIKI (GoTHoMIS CENTRALIZED)

Posted on: September 18th, 2024

Watoa Huduma ngazi ya Vituo vya Afya na Zahanati wa Halmashauri ya Wilaya ya Tandahimba wameanza kupatiwa mafunzo ya  kutumia mfumo wa kielektroniki (GoTHoMIS Centralized ) ambao una lengo la usimamizi wa shughuli za  uendeshaji  wa vituo vya kutolea huduma za afya.

Akizungumza na watoa huduma ngazi ya vituo vya afya waliohudhuria mafunzo hayo leo Septemba 18,2024  Mganga Mkuu wa Wilaya  ya Tandahimba Dkt.Adorat Mpollo amewasistiza kuzingatia mafunzo hayo ili  kuboresha huduma za afya na kuongeza ukusanyaji wa mapato katika maeneo yao

Amesema mfumo huo utawasaidia kurahisisha  shughuli za vituo vya  kutolea huduma za afya kusimamia  uzalishaji na uhifadhi sahihi wa taarifa na takwimu za wagonjwa na magonjwa,mapato na dawa za vituo  vya kutolea huduma za afya.

Mafunzo hayo yatatolewa kwa siku nane ( 8) kwa watoa huduma wa vituo vya afya saba (7) na kuhitimisha  kwa watoa huduma za afya wa  zahanati 29 ambao watapewa mafunzo ya siku nne (4) Katika Ukumbi wa mikutano wa Hospitali  wa Wilaya ya Tandahimba.

#kaziiendelee