Watendaji wa kata na vijiji Halmashauri ya Tandahimba wajengewa uwezo

Posted on: January 21st, 2022

Na Kitengo cha Habari na Mawasiliano

Mkurugenzi Mtendaji wa Halmashauri ya Wilaya ya Tandahimba ndugu Mussa Gama amewataka watendaji wa kata na vijiji kuacha kufanya kazi kwa mazoea badala yake waimarishe umoja na ushirikiano ili waweze kuwahudumia wananchi katika maeneo yao

Watendaji wa kata na vijiji kwakifuatilia mafunzo

Ameyasema hayo Januari 20,2022 wakati akifungua mafunzo ya watendaji wa kata na vijiji   yenye lengo la kuwajengea uwezo ili kuweza kutekeleza majukumu yao kwa ufanisi ambayo yamefanyika katika ukumbi wa mikutano

Mwezeshaji ndugu Raphael Mputa akiwasilisha mada kwa washiriki wa mafunzo hayo

Mkurugenzi amesema kuwa mafunzo hayo yataleta matokeo yenye tija kwa watendaji hao kutekeleza majukumu  yao kwa kuzingatia taratibu,sheria na miongozo ya utumishi wa umma katika maeneo yao ya kazi

Watendaji wa kata na vijiji wakiwa kwenye mafunzo ya kujengewa uwezo katika ukumbi wa mikutano

“Sisi wote ni timu moja ambao tunajenga Halmashauri moja umoja na ushirikiano ni msingi wa utoaji wa huduma bora katika maeneo yenu,msifanye kazi kwa mazoea ninyi ni viongozi mnatakiwa kuwa wabunifu ili kutekeleza wajibu wenu ipasavyo,msimamie utawala bora kwa kufanya  mikutano  ya katika maeneo yenu ,”amesema Mkurugenzi

Aidha amewasistiza watendaji wa kata na vijiji  kuhakikisha miradi inayotekelezwa katika maeneo yao inasimamiwa na kukamailika kwa wakati na  ubora,ameeleza kuwa kasi iliyotumika kutekeleza miradi ya Uviko iendelee kutekeleza miradi mingine inayoendelea

Mwezeshaji ndugu Faraji Kulodya akitoa mada ya manunuzi katika mafunzo hayo

Katika mafunzo hayo ya siku moja  watendaji wa kata na vijiji wamejengewa uwezo katika mada mbalimbali zilitolewa na wawezeshaji kutoka ngazi ya Halmashauri ya Wilaya

Mwezeshaji ndugu Zuberi Charahani  akiwasilisha mada ya mabaraza ya kata na utungaji wa sharia ndogo