WATAALAMU TANDAHIMBA WAHUDHURIA MAFUNZO YA MFUMO MPYA WA UNUNUZI WA UMMA( NeST)

Posted on: August 28th, 2023

Na Kitengo cha Mawasiliano 

Wataalamu wa Halmashauri ya Wilaya ya Tandahimba wamehudhuria Mafunzo ya Mfumo wa Ununuzi kwa njia ya Mtandao( National e-Peocurement System of Tanzania _NeST)  Mkoani wa Mtwara

Akifungua mafunzo hayo leo Agosti 28,2023 Kaimu Katibu Tawala Mkoa wa Mtwara Nanjiva Nzunda amewasisitiza wataalamu hao kuhakikisha wanajifunza ili baada ya mafunzo hayo waweze kuutumia Mfumo huo

"Hakuna manunuzi yoyote yatakayofanyika nje ya Mfumo wa NeST ,  nategemea mkitoka hapa mtakuwa mabalozi wazuri kwa wengine,"amesema Nzunda.

Kwa Upande wake mmoja wa waratibu wa Mafunzo hayo Theresia Nsunzigwanko  amezitaja Baadhi ya Faida za  mfumo huo kuwa ni pamoja na kusajili taarifa mara moja na kuzitumia kwa zabuni zote zinazoombwa na hivyo kupunguza muda unaotumika katika kuomba zabuni

Amesema Mzabuni hatakuwa na haja ya kuweka viambatanisho vya vyeti au uthibitisho wa usajili kutoka kwenye Taasisi mbalimbali bali atatakiwa kuweka namba ya Uthibitisho .

Aidha Serikali inalenga kuwa ifikapo Oktoba 1, 2023 manunuzi yote yapitie Mfumo huo.