Wasimamizi wa vituo vya uchaguzi mdogo wa udiwani kata ya Mndumbwe waaswa

Posted on: December 14th, 2022

Na Kitengo cha Mawasiliano

Msimamizi wa Uchaguzi Jimbo la Tandahimba  Ndg.Mussa Gama  amewataka  wasimamizi wa vituo na wasimamizi wasaidizi  wa vituo ambao  watasimamia uchaguzi mdogo wa Udiwani Kata ya Mndumbwe kuzingatia Sheria ,Kanuni na Maelekezo yanayotolewa ili kuwezesha zoezi la uchaguzi kufanyika katika  hali ya Uhuru ,usawa na haki

Ameyasema hayo Disemba 14,2022 wakati akifungua  mafunzo ya siku mbili ya wasimamizi wa vituo  vya uchaguzi ambayo ynafanyika katika ukumbi wa mikutano ya Halmashauri

“Mmeaminiwa na kuteuliwa  kwasababu  mnao uwezo wa kufanya kazi hii ,hakikisheni  mnazingatia maelekezo mtakayopewa badala ya kufanya kazi kwa mazoea”amesema Msimamizi wa Jimbo

Aidha Msimamizi wa Jimbo amewaapisha wasimamizi hao  ili kufanya kazi hiyo kwa weledi kwa kuzingatia,taratibu,kanuni,miongozo na sheria ya Uchaguzi