Wasimamizi wa miradi watakiwa kuitunza miradi katika maeneo yao

Posted on: July 30th, 2020

Na Kitengo cha Habari na Mawasiliano

Kaimu Mkurugenzi Mtendaji wa Halmashauri ya Tandahimba  Ally Machella  amewataka  wasismamizi wa miradi  kuisimamia na kuitunza miradi inayotekelezwa kwenye maeneo yao na  wananchi washirikishwe katika   miradi ili  ikamilika iweze kukamilika kwa ubora na wakati muafaka

Ameyasema hayo wakati akifungua semina ya wasimamizi wa miradi ya ujenzi wa miundombinu mipya ya shule kupitia programu ya Lipa Kulingana na matokeo(EP4R) iliyofanyika katika ukumbi wa  Halmashauri

Wasimamizi wa miradi  wa EP4R wakiwa kwenye mafunzo

Aidha amesema Mradi huo ambao ni zaidi ya Shilingi Bil 1 ni motisha kwa shule za msingi na sekondari  kwa kwa ajili ya miundombinu ya Vyoo,madarasa na mabweni kwa ajili ya wanafunzi

“Mnatakiwa kusimamia miradi inayotekelezwa katika maeneo yenu ili wananchi wanufaike nayo lakini pia simamieni na kuitunza iwe katika viwango bora vinavyohitajika,”amesema Machella

Kaimu Mkurugenzi Mtendaji Ally Machela (mwenye shati la maruni) ambaye alifungua mafunzo hayo

Naye Afisa Mipango  wa Wilaya Hassan Nzyungu amesema kuwa miradi hiyo  inahitaji kufuata taratibu ,kanuni na sheria  kuanzia michoro,manunuzi,utoaji wa taarifa za utekelezaji kuanzia ngazi husika kwa muda muafaka

Afisa Mipango Hassan Nzyungu akielezea jambo kwa washiriki

Aidha naye Afisa Elimu Msingi Wilaya Hadija Mwinuka amesema kuwa pamoja na miradi hiyo kutekelezwa katika maeneo mbalimbali wananchi wanatakiwa kushiriki  kwa kujitoa ili miradi hiyo iweze kumalizika kwa asilimia 100

Afisa Elimu Msingi Hadija Mwinuka akitoa ufafanuzi kwa washiriki

“Serikali inaongeza nguvu pale ambapo wananchi wameanzisha mradi katika maeneo kama ni shule,zahanati,soko  na miradi mingine kwaiyo wananchi washirikishwe kwakuwa hii miradi ni yao,”amesema Mwinuka