Wasimamizi wa miradi ngazi ya vijiji na Kata wapewa mafunzo

Posted on: May 6th, 2021

Na Kitengo cha Habari na Mawasiliano

Wasimamizi wa miradi  wametakiwa  kutumia utaratibu wa ’force account’ kwa kuzingatia sheria na kanuni ili kuweza kukamilisha utekelezaji wa miradi kwa wakati

Akizungumza  kwenye kikao kazi  cha wasimamizi wa miradi ngazi ya vijiji na kata  Kaimu Mkurugenzi  Mtendaji  wa  Halmashauri  ya Wilaya ya Tandahimba ndugu Ally Machela  amesema kuwa katika utekelezaji na ukamilishaji kanuni na  sheria za fedha  lazima zifuatwe

Kaimu Mkurugenzi Mtendaji ndugu Ally Machela akitoa neno kwa wasimamizi wa miradi

“Ni utaratibu wetu kukumbushana  katika kutekeleza miradi kwenye maeneo yetu hivyo  mna jukumu la kusimamia miradi iweze  kukamilika kwa wakati na  ubora kwa kufuata utaratibu wa kutumia force account,”amesema Ndg Machela

Wasimamizi wa miradi wakifuatilia mafunzo kutokakwa mwezeshaji (hayupo pichani)

Naye   Ramadhani Mwita akiongea kwa niaba ya Afisa Mipango wa Wilaya   amesema fedha hizo zimetolewa kwa ajili ya shughuli za maendeleo kwenye idara ya  Elimu na Afya kwenda kukamilisha vyumba vya madarasa  ,mahabara  na kuweka vifaa muhimu sambamba na  kuwezesha ukamilishaji wa ujenzi wa zahanati

Ndugu Ramadhani Mwita akizungumza na washiriki wa mafunzo  kwa niaba ya Afisa Mipango Wilaya

Aidha naye Afisa manununzi faraji Kulodya alibainisha kuwa kamati zilizopo katika maeneo husika wahakikishe shughuli za manunuzi zinazingatiwa  kwa kufuata taratibu,sheria na muongozo wa manununzi katika kutekeleza miradi hiyo

Mwezeshaji ndg . Faraji Kulodya akisistiza wasimamizi kufuatasheria ya manunuzi kwenye miradi

Katika mafunzo hayo wawezeshaji wameweza kuwasistiza wasimamizi na viongozi wa miradi kuweza   kusimamia miradi hiyo ili iweze kuwa na tija kwa wananchi,fedha hizo zimetolewa na na Serikali kuu ,mpango wa kuendeleza Elimu ya msingi (PEDEP)Mpango wa maendeleo elimu sekondari (SEDEP) na WASH

Mwezeshaji wa mafunzo ndg Kassim Lihumbo akitoa mafunzo kwa washiriki