Wasimamizi na Kamati watakiwa kuzingatia mipango kazi ya ujenzi wa miradi

Posted on: May 25th, 2022

Na Kitengo cha Habari na Mawasiliano

Wasimamizi  na kamati  wametakiwa kusimamia miradi ya maendeleo kwa kuzingatia mipango kazi ya ujenzi wa  miradi ili ikamilike kwa wakati

Akifunga kikao kazi cha wasimamizi na kamati za kusimamia miradi inayoendelea katika Halmashauri ya Wilaya ya Tandahimba Mkuu wa Wilaya ya  Tandahimba Mhe.Kanali Patrick Sawala amewataka kutekeleza jukumu hilo kwa weledi

Mkuu wa Wilaya ya Tandahimba Mhe.Kanali Patrick Sawala  akisistiza jambo  kwa wasimamizi na kamati ya  miradi ya maendeleo(Hawapo pichani)

"Nawapongeza kwa kusimamia  miradi lakini tuongeze usimamizi  kwa kuweka maslahi ya Tandahimba yetu mbele  ili miradi hii iweze kukamilika  kwa wakati  kwa kuzingatia mipango kazi ya ujenzi wa miradi

Naye Mkurugenzi Mtendaji wa Halmashauri ya Wilaya ya Tandahimba amesema kuwa  kikao kazi kitaongeza ufanisi wa kusimamia miradi hiyo iweze kutekelezwa kwa wakati na ubora unaohitajika kwa kukumbushana katika mada muhimu

“Tuna kila sababu ya kuipongeza serikali ya awamu ya sita kwa jitihada inayofanya kuhakikisha  inaboresha miundombinu katika sekta  mbalimbali ikiwemo elimu na afya kwa kuongeza vituo vya afya ambapo  awali vituo vya afya vilikuwa vichache katika Halmashauri yetu jukumu kubwa ni kuisimamia ikamilike kwa wakati,”amesema Mkurugenzi

Mkurugenzi Mtendaji Ndugu Mussa Gama (kati) akifungua kikao kazi cha wasimamizi na kamati za miradi ya maendeleo

Aidha ameeleza  kwa muda mfupi Serikali imeongeza vituo vya afya vitatu  katika Tarafa ya  Litehu,Mihambwe,Mambamba ambapo awamu ya kwanza  shilingi milioni 750  na tayari kiasi kingine cha shilingi milioni 750 kinaendelea kukamilisha miradi hiyo ambapo gharama ya miradi yote mitatu ya vituo vya afya ni shilingi Bil.1.5

Ongezeko la vituo vya afya  katika Halmashauri ya Wilaya ya Tandahimba litarahisisha upatikanaji wa huduma za afya karibu na wananchi, kwa sasa vituo vya afya vya serikali ambavyo vinaendelea kutoa huduma ni viwili (2) lakini miradi ambayo inaendelea na ipo katika hatua za ukamilishaji jumla ni vituo vinne(4) ambavyo ni Kituo cha afya Litehu,Mihambwe,Mambamba na Maheha  ambavyo fedha zake zimetoka Serikali Kuu na mradi mmoja(1) wa kituo cha afya kitama ambao unaendelea kutekelezwa kwa gharama ya shilingi Milioni 400 kwa fedha za mapato ya ndani ya Halmashauri