Washiriki wa mafunzo ya TASAF Tandahimba waaswa

Posted on: February 24th, 2021

Na Kitengo cha Habari na Mawasiliano

Washiriki wa mafunzo ya utekelezaji na usimamizi wa miradi ya kutoa ajira ya muda kwa walengwa chini ya mpango  wa kunusuru kaya maskini  wa mfuko wa maendeleo  ya jamii (TASAF)wametakiwa kuibua miradi yenye tija na inayotekelezeka  kwa wananchi wa maeneo husika

Mwezeshaji wa TASAF  Amadeus Mbuta akitoa mafunzo kwa washiriki katika ukumbi wa Mikutano wa Halmashauri

Hayo yamesemwa na Afisa Mazingira wa Tasaf  Amadeus Mbuta  wakati akitoa mafunzo kwa washiriki 45 katika ukumbi wa mikutano wa Halmashauri na kusistiza kuwa miradi  inategemea washiriki hao  kuibua katika maeneo husika ambayo itawanufaisha jamii

Washiriki wakiwa kwenye mafunzo ya vitendo

“Naamini baada ya mafunzo yanawapa  uwezo wa kwenda kuibua miradi yenye tija na inayotekelezeka katika maeneo ambayo  mtapangiwa ,”amesema ndugu Mbuta

Washiriki wakiwa kwenye mafunzo ya vitendo

Naye Mratibu wa TASAF Tandahimba Ismaely  Mbilinyi amesema mafunzo yaliyotolewa na wawezeshaji wa Kitaifa yameongeza  ari kwa washiriki kuibua miradi inayotekelezeka katika maeneo husika kwa kuzingatia kanuni na miongozo ya TASAF

Mratibu wa TASAF Halmashauri ya Tandahimba Ismaely  Mbilinyi  akitoa neno kwa washiriki

Aidha  wawezeshaji wa mafunzo hayo ya siku sita wamefundisha mada mbalimbali ambazo  zimejenga uwezo kwa washiriki kuwa na uwezo wa kutekeleza jukumu la uibuaji wa miradi katika maeneo watakayopangiwa

Mwezeshaji Godius Johnas akitoa mafunzo kwa washiriki jinsi ya kuandaa mradi wa tengamaji

Naye mshiriki wa mafunzo Neema Shungu amesema kuwa mafunzo hayo yameongeza uelewa katika kutekeleza miradi ya TASAF na kuwaomba washiriki wengine kuzingatia ili yaweze kuleta manufaa kwa jamii na wananchi wa Tandahamba

Washiriki wakiwa kwenye mafunzo ya  utekelezaji na usimamizi wa ajira za miradi ya kutoa ajira ya muda kwa walengwa