Washiriki 652 wapewa mafunzo ya kuingiza taarifa za anwani za makazi kwenye mfumo

Posted on: March 15th, 2022

Na Kitengo Habari na Mawasiliano 

Washiriki 652 wamepewa mafunzo ya kuingiza taarifa kwenye mfumo katika  operesheni ya anwani za makazi  Halmashauri ya Wilaya ya Tandahimba

Washiriki wa kuingiza taarifa kwenye mfumo wakipewa mafunzo

Akitoa mafunzo  kwa washiriki katika ukumbi wa mikutano wa Halmashauri Afisa Tehama Wilaya ya Tandahimba ndugu Joseph Mongi amesewataka vijana hao kuhakikisha wanaifanya kazi hiyo kwa umakini ili kuingiza  taarifa sahihi

“Hakikisheni kuwa mtakapoanza kuingiza  taarifa hizi muwe makini sana ili kuingiza taarifa sahihi ambazo zitatusaidia katika shughuli mbalimbali za kimaendeleo katika Wilaya  yetu,”amesema ndugu Mongi

Aidha amesema kuwa  vijana hao wametoka katika vitongoji ambavyo wanaishi hivyo watakuwa  na uelewa mzuri wa maeneo yao kwakuwa wanaishi kila siku

“Mmeaminiwa na viongozi wa vitongoji vyenu naamini mtapata ushirikiano wa kutosha kutoka kwa jamii mnazotoka mkaingize  takwimu sahihi ambazo zitasaidia katika kitongoji ,kijiji,kata na Wilaya kwa Ujumla,”amesema ndugu Mongi

Mwezeshaji ndugu Zuberi Sarahani akifafanua jambo kwa washiriki

Washiriki hao wamepatikana kutoka katika kila kitongoji  ambapo wataingiza taarifa za anwani za makazi katika vitongoji vyao