Wananchi waendelea kujitokeza kupata Elimu na chanjo ya UVIKO-19

Posted on: October 4th, 2021

Na Kitengo cha Habari na Mawasiliano

Zoezi la Kampeni maalum ya utoaji wa Elimu na chanjo ya UVIKO -19Halmashauri ya Wilaya ya Tandahimba  linaendelea vizuri ambapo wananchi wanaendelea kupata elimu na kuchukua hatua ya kuchanja kwa hiyari katika maeneo yao

Mkuu wa Wilaya ya Tandahimba  Mhe.Kanali Patrick Sawala akizungumza na wananchi

Mkuu wa Wilaya ya Tandahimba Mhe.Kanali Patrick Sawala katika ziara ya kujitambulisha kwa wananchi na kusikiliza kero zao anatumia nafasi hiyo  kutoa elimu ya chanjo  ya UVIKO -19 kwa wananchi

Watoa huduma za afya  wakiwa kwenye  kikao kazi  

Dc Sawala amesema ili  wananchi wapate  elimu  hiyo anaambatana na watoa huduma ya afya ili  kusogeza huduma   kwa wananchi wa vijijini  ambao baada ya kusikia elimu watakuwa tayari kupata huduma hiyo

Mtoa huduma ya afya akitoa elimu ya UVIKO -19 kwa mwananchi wa kijiji cha Dinyeke

“Katika ziara hizi ambazo nazifanya nimeona niwe naambatana na watoa huduma wa afya vijijini ili watoe elimu na chanjo kwa atakaye hitaji,kwa baadhi ya vijiji ambavyo nimefanya hivyo wananchi wamechanja kwa hiyari,”amesema Dc Sawala

Watoa huduma wa afya wakitoa elimu  na chanjo ya UVIKO -19 katika viwanja vya shule ya msingi Amani kwenye bonanza lililoandaliwa na Benki ya NMB

Halmashauri ya Wilaya ya Tandahimba inaendelea na kampeni ya utoaji Elimu na chanjo ya UVIKO - 19 ambayo imeanza rasmi tarehe 1/10  hadi 15/10 mwaka huu ambapo elimu hiyo inatolewa  katika maeneo mbalimbali ndani ya Wilaya