Wananchi wa kijiji cha bandari Wilaya ya Tandahimba washiriki sensa ya Majaribio

Posted on: September 16th, 2021

Na Kitengo cha Habari na Mawasiliano

Mkuu wa Wilaya ya Tandahimba  ambaye pia ni Mwenyekiti wa kamati ya sensa Wilaya  Mhe.Kanali Patrick Sawala  amesema kuwa sensa ya majaribio ambayo inafanyika  katika kijiji cha bandari kitongoji cha Ruvuma kata ya Michenjele inaendelea vizuri kwakuwa wananchi wametoa ushirikiano  kwa makarani wanaochukua taarifa

Mkuu wa Wilaya ya Tandahimba Mhe.Kanali Patrick Sawala akieleza jambo

Ameyasema hayo  katika kijiji cha bandari  ambapo zoezi hilo  la sensa ya watu linafanyika na kueleza kuwa sensa hiyo ya majaribio itatoa dira  katika sensa ya mwaka 2022

Kamati ya sensa Wilaya ,Mkoa na wasimamizi wa sensa ngazi ya Taifa wakiwa kwenye picha ya pamoja

“Kamati ya sensa Wilaya na Mkoa tupo hapa kuhakikisha zoezi hili linafanikiwa kwa asilimia mia moja,makarani wamepita kaya hadi kaya na sasa wanaendelea  na dodoso la majengo ambapo majengo yatahesabiwa , naendelea kuwasistiza wananchi kutoa taarifa sahihi  kwa maendeleo ya nchi na Wilaya kwa ujumla,”amesema Dc Sawala

Naye Msimamizi wa sensa kanda ya kusini Ephraim Kwesigabo amesema zoezi hilo linafanyika kwa ushirikiano mkubwa wa Wilaya na Mkoa hivyo changamoto ambazo zitapatikana katika zoezi hilo la majaribio zitasaidia kuboresha mfumo  wa sensa mwaka 2022

Msimamizi wa sensa kanda ya kusini Ephraim Kwesigabo akiwashukuru kamati kwa ushirikiano

Amesema  sensa ya majaribio imeongeza  madodoso ili kupata taarifa  ambazo zitasaidia kujua kila kitu katika eneo husika ambapo kuna dodoso  la kijamii,dodoso la hesabu ya watu ambalo lina maswali 97,dodoso la majengo na dodoso la anwani

baadhi ya majengo ambayo pia yatahesabiwa kwenye sensa ya majengo kijiji cha bandari

Nao wananchi wa  kijiji cha bandari   kwa nyakati tofauti  wameishukuru serikali  kwa zoezi hilo  ambalo litasaidia kuleta maendeleo katika maeneo husika,Mkoa wa Mtwara umekuwa miongoni mwa Mikoa 13 ambayo inafanya sensa ya majaribio ambapo Wilaya ya Tandahimba ni Wilaya pekee ndani ya Mkoa  inafanya zoezi hilo