Wananchi Tandahimba watoa maoni ya uboreshaji mfumo wa Hakijinai

Posted on: February 27th, 2023

Na Kitengo cha Mawasiliano 

Wananchi Halmashauri ya Wilaya ya Tandahimba wametoa  maoni,kero mbalimbali na mapendekezo yao kuhusu maboresho ya mfumo wa Hakijinai kwa Tume ya Rais ya Hakijinai

Akizungumza na wananchi waliojitokeza kwa wingi katika  viwanja vya shule ya msingi Amani Februari 27,2023 Profesa Edward Hoseah amesema kuwa kero ,maoni na mapendekezo ambayo wametoa yatawezesha Serikali kufanya maboresho katika  vyombo vya mahakama,Jeshi la Polisi,Magereza,Taasisi ya Takukuru na Uhamiaji

Kwa upande wa wananchi walitoa maoni yao kuhusu Jeshi la Polisi kutumia busara pale inapobidi,ucheleweshaji wa kesi mahakamani,dhamana iwekwe bayana,mahabusu kutofika kwa wakati kusikiliza kesi zao,kujengwe gereza katika Wilaya ya Tandahimba

Naye Mkuu wa Wilaya ya Tandahimba Mhe.Kanali Patrick Sawala amewapongeza wananchi kuwa huru  kutoa maoni na mapendekezo yao ambayo yataiwezesha Serikali kufikia malengo ya kuboresha mfumo wa hakijinai