Wananchi Tandahimba washauriwa kupanda miti na kuitunza

Posted on: March 5th, 2020

Mkuu wa Wilaya ya Tandahimba Sebastian Waryuba akipanda mche wa mti katika zoezi la upandaji miti kijiji cha Litehu

Na Kitengo cha Habari na Mawasilano

Wananchi wametakiwa kuwa na utaratibu wa kupanda miti katika maeneo yao na kuitunza ili iweze kuwasaidia katika  shughuli mbalimbali sambamba na kuhifadhi vyanzo vya maji

Hayo yamesemwa  na Mkuu wa Wilaya ya  Tandahimba Sebastian Waryuba wakati  akizindua zoezi la upandaji  miche ya miti zaidi ya elfu 2000 katika kijiji cha Litehu jana

“ Mmejitokeza wengi katika zoezi hili nimefarijika sana kuwa mnaelewa umuhimu wa  kupanda miti katika maeneo yanayotuzunguka kwakuwa miti  inafaida nyingi ikiwa pamoja na kutunza vyanzo vya asili vya maji,’amesema Waryuba

Afisa Kilimo Horoun Kisimba akiwaelekeza wananchi jinsi ya upandaji wa miche hiyo

Naye Mkurugenzi Mtendaji Said Msomoka amesema  kwa jinsi ambavyo wananchi wamejitokeza katika zoezi  la upandaji wa miti  ana Imani  miti ambayo wataichukua na kwenda kuipanda katika maeneo wanayoishi wataitunza

“Kwa umoja huu ambao mmeuonyesha  inadhihilisha wananchi wa Litehu hata miti hii ambayo mnapewa leo kwenda kuipanda  na mtaitunza ili iweze kuwasaidia,”amesema Msomoka

Katika hatua nyingine Mhifadhi Misitu Wilaya ya Tandahimba Mohamed  Mkubagwa ameeleza kuwa miti ambayo imepandwa  na wananchi  katika kijiji cha Litehu ni pamoja na Mitiki,albolea,mvule,msindano pamoja na miti ya matunda

Katibu Tawala Benaya Kapinga (katikati)akiwa tayari kwa kupanda mche wa mti