Wananchi Tandahimba waipongeza Serikali kuleta awamu ya pili daftari la kudumu

Posted on: May 5th, 2020

Na  Kitengo cha Habari na Mawasiliano

Wananchi wa Wilaya yaTandahimba wameipongeza serikali  kuleta  daftari la kudumu la wapiga kura awamu ya pili kwakuwa imewasaidia kuboresha taarifa zao  na ambao hawakupata nafasi ya kujiandikisha wamefanikisha zoezi hilo

Wakizungumza kwa nyakati tofauti kwenye vituo vya kujiandikishia wananchi hao wamesema wameridhishwa na zoezi hilo kwakuwa wamepata fursa ya kuwafuta ndugu na jamaa ambao wamefariki dunia na kuboresha taarifa zao

Wananchi wakiwa kwenye foleni  ya kuboresha taarifa zao kwenye daftari ya kudumu

“Tunaishukuru  Serikali  kwa zoezi hili  mimi nilikuwa Mkoa mwingine lakini kwa sasa nimehamia hapa  nyumbani kwaiyo   nimekuja kuboresha taarifa zangu   kwa sasa nitapiga kura katika kata ya Ngunja,”amesema  Twaha saidi

Mkazi wa Kata ya Ngunja akichukuliwa alama za Vidole na Bvr operator(kushoto) ni Maafisa Tehama wakiangalia zoezi linavyokwenda

Naye mkazi wa Mkwiti  Kwenadi Masuka amesema  pamoja na uwendeshaji wa zoezi hilo anaishukuru Wilaya imezingatia  tahadhari dhidi ya  ugonjwa wa Covid – 19  katika vituo  hivyo zoezi hilo kuendeshwa kwa amani

“Utaratibu ambao wameuweka ni mzuri wa  kujikinga na ugonjwa huu wa korona kwakuwa watu ambao tumekuja kituoni tunaambiwa  na mtu  maalum ambaye anatusistiza kukaa mbali  kati ya mtu na mtu pia kunawa mikono na maji tiririka na sabuni,”amesema Masuka

Mwananchi akinawa mikono kwa maji tiririka na sabuni kwenye kituo cha Kata ya Mkwiti kabla ya kupata huduma

Zoezi la uboreshaji awamu ya pili umekamilika  ulianza Mei 02 na kumalizika Mei 04 mwaka huu kwa Kata zote za Tandahimba na wananchi wamejitokeza kupata huduma katika maeneo yao