Wananchi Tandahimba waipongeza Serikali kuendelea kutoa elimu ya afya Vijijini

Posted on: August 18th, 2020

Na Kitengo cha Habari na Mawasiliano

Wananchi Wilaya ya Tandahimba wameipongeza Serikali kwa jitihada wanazozifanya kwa kutoa Elimu ya afya ya kujinga na magonjwa yanayoambukiza katika jamii hususan vijijini

Mwezeshaji akigawa na kubandika majarida  yanayohamasisha wananchi kuendelea kuchukua tahadhari

Wakizungumza kwa nyakati tofauti  wananchi hao wameonekana kuridhishwa na mwenendo mzima wa serikali  ya awamu ya tano kwa kutoa elimu ya afya kuanzia ngazi za vijiji   na jinsi ilivyofanikiwa mapambano ya homa kali ya mapafu inayosababishwa na virusi vya corona(Covid -19)

Wakazi wa kijiji cha Maundo sokoni wakisikiliza matangazo kwa njia ya magari yanayohamasisha umuhimu wa kuendelea kuchukua tahadhari

Bakari  Said mkazi wa kijiji cha Namahonga  Kata ya  Maundo amesema kuwa  ingawa ugonjwa huu hapa nchini umepungua  lakini matangazo na majarida yanasaidia kukumbusha  jamii kuendelea kuchukua tahadhari

Bashiru Likoti mkazi wa minjenjele akionesha bango ambalo lina maelekezo ya kuchukua tahadhari

“Tunampongeza Rais wetu wa awamu ya Tano kwa  jinsi ambavyo ametuondolea hofu na jitihada alizozifanya  ya kupambana na  ugonjwa huu, elimu  iendelee kutolewa ili wananchi waendelee kuchukua tahadhari kwa kugawa mabango na vipeperushi,”amesema Said

Mwezeshaji Kulwa Samiji akitoa elimu  kwenye kijiwe cha kahawa Kitama stand

Zoezi la utoaji wa Elimu  ya afya  kwa jamii linaratibiwa na Wizara ya Afya,Maendeleo ya Jamii,Jinsia Wazee na Watoto,OR-TAMISEMI  kwa ushirikiano na Redcross Tanzania ambapo Kata 30  na vijiji vyake Halmashauri ya Tandahimba  vimefikiwa  na kupata elimu kwa njia ya matangazo na majarida