Wananchi Tandahimba waahidi kushiriki kuhesabiwa Sensa ya Watu na Makazi

Posted on: August 14th, 2022

Na Kitengo cha Mawasiliano

Wananchi Halmashauri ya Wilaya ya Tandahimba wamesema wapo tayari kuhesabiwa  Sensa ya Watu na Makazi Agosti 23,2022

Wamezungumza hayo Agosti 13,2022 baada ya ziara ya utoaji elimu na hamasa  ya kushiriki zoezi la Sensa ambalo limefanyika katika kata zote 32 na Kamati ya Sensa Wilaya

Katika ziara hiyo timu husika za Wilaya zilianza kufanya kikao na kutoa elimu na hamasa kwa kamati za vitongoji,vijiji na kata  ili ziweze kuendelea na uhamasishaji huo kila siku katika maeneo yao

Naye Mkuu wa Wilaya Mke.Kanali Patrick Sawala alitoa wito kwa viongozi wa vitongoji kutoa ushirikiano kwa makarani ambao watafika katika maeneo yao ili kuweza kudodosa

"Makarani watafika katika maeneo yenu kuanzia Agosti 21,2022 ambapo wataanza kuhoji dodoso la jamii kwa siku mbili kisha wataendelea na dodoso kuu Agosti 23,2022 muwape ushirikiano ili kukamilisha zoezi hili kwa asilimia mia moja,"amesema Dc Sawala