Wanafunzi 80 wa Umitashumta kushiriki mashindano ngazi ya Mkoa

Posted on: July 9th, 2022

Na Kitengo cha Mawasiliano

Halmashauri ya Wilaya ya Tandahimba  imepata washiriki 80 katika fainali ya  mashindano ya  umitashumta  kati ya washiriki 391 ambao watashiriki katika mashindano ngazi ya Mkoa

Timu ya mpira wa pete ikiwa inaendelea na mechi

Mashindano hayo yamefanyika  Julai 9,2022 katika viwanja vya shule ya msingi Amani kata ya Tandahimba ambapo klasta sita  ziliweka kambi kwa ajili ya maandalizi ya fainali hiyo

Katika mashindano hayo michezo mbalimbali ilishindaniwa kama vile mpira wa mguu,mpira wa mkono,mpira wa kikapu,mpira wa pete,riadha,kuruka chini,kuruka juu, na kwaya ambapo mshindi wa jumla  kwa michezo yote ni Klasta ya Mihambwe

Klasta ya mihambwe wakikabidhiwa kombe la msindi wa Jumla

Akifunga mashindano hayo kwa niaba ya Mkurugenzi Mtendaji,Afisa Taaluma Msingi ndg.Abdul Masudi amewataka washiriki hao kuongeza juhudi ili waweze kufikia lengo la kuwa washindi kuanzia ngazi ya Mkoa hadi Taifa

Aidha naye  Mratibu Michezo Halmashauri ya Wilaya ya Tandahimba ndg.Omary Amlima  amesema katika mashindano hayo washiriki 391walikaa kambi ambapo wavulana 186 na Wasichana 205

Amesema kuwa washiriki hao wanatarajiwa  kuelekea katika mashindano ya Kimkoa na baadaye Kitaifa ambapo mwaka huu mashindano ya Umitashumta yatafanyika Mkoani Tabora