WALIMU WAKUU NA WALIMU WA MADARASA YA AWALI WAPEWA MAFUNZO YA MTAALA WA ELIMU KUPITIA MRADI WA BOOST.

Posted on: January 11th, 2025

Na Kitengo cha Mawasiliano 

Walimu Wakuu na Walimu wa madarasa ya awali  Halmashauri ya Wilaya ya Tandahimba wamepewa mafunzo ya kuwajengea  uwezo kwa kuwaongezea maarifa na ujuzi kuhusu matumizi ya njia na vifaa vilivyoboreshwa vya mtaala wa Elimu kupitia mradi wa BOOST .

Akifungua mafunzo kwa niaba ya Mkurugenzi Mtendaji Kaimu Afisa Elimu  Awali na Msingi  Halmashauri ya Wilaya ya Tandahimba Mwl. Rajabu Saidi  amewasistiza  kuzing.atia mafunzo hayo ili yaweze kuinua taaluma na kuwawezesha wanafunzi wa awali kufahamu kusoma, kuhesabu na kuandika.

 Kwa upande wake mratibu wa mafunzo hayo Mwl..Vitalis Chinguile amesema  mafunzo hayo ya siku nne  yamewakusanya walimu 120  wa shule za awali na  msingi ambapo yatahitimishwa Januarii 12,2025.