WALIMU TANDAHIMBA WAPONGEZWA KWA KUONGEZA UFAULU WA DARASA LA SABA MWAKA 2023.

Posted on: February 22nd, 2024

Na Kitengo cha Mawasiliano 

Walimu wa  shule za Msingi za Serikali  Halmashauri ya Wilaya ya Tandahimba wamepongezwa kwa kuongeza ufaulu kwenye matokeo  ya  Mtihani wa Taifa wa darasa la saba Mwaka 2023.

Hafla ya  kuwapongeza walimu imeandaliwa na Halmashauri ya Wilaya ya Tandahimba kupitia  Idara ya Elimu Msingi ambapo katika Klasta tano zilizopo Halmashauri ya Tandahimba kila klasta imefanya hafla hiyo  katika eneo  lake.

Aidha  Mkuu wa Idara ya Elimu Awali na Msingi Mwl.Samweli Mshana amesema walimu kwa juhudi wamechangia kuongeza ufaulu wa darasa la saba na kufikia asilimia 85.2 mwaka 2023 na kushika nafasi  ya 3 Kimkoa kati ya Halmashauri tisa  kwa upande wa Mtihani wa Upimaji wa darasa la nne Mwaka 2023 Halmashauri ya  Tandahimba imeshika nafasi ya kwanza Kimkoa kwa kupata asilimia 93 kati ya Halmashauri tisa za Mkoa wa Mtwara.

Kwa upande wake Mwakilishi wa Mkuu wa Wilaya Ndg.Francis Mkuti akizungumza kwenye hafla ya Klasta ya Matogoro Februari 22,2024  amewapongeza Walimu kwa juhudi zao na amewasistiza kuongeza juhudi hizo ili  ufaulu uongezeke zaidi mwaka 2024.

Naye Mkuu wa Idara ya Rasilimaliwatu na Utawala Ndugu.Joshua Mgoli amewapongeza walimu  lakini pia ametumia nafasi hiyo kuwakumbisha kuzingatia taratibu za uhamisho mara wanapojitaji kuhama ili kuepuka  uhamisho feki ambao ni kosa kisheria.

Katika hafla ya Klasta ya Matogoro na Klasta ya Mihambwe zilihitimishwa kwa kukabidhi zawadi mbalimbali  vikiwemo vyeti vya pongezi na fedha taslimu kwa walimu waliofanya vizuri katika masomo yao wanayoyafundisha .