Walengwa wa TASAF wapewa elimu ya sensa ya watu na makazi Tandahimba

Posted on: July 29th, 2022

Na Kitengo cha Mawasiliano

Walengwa wa  Mfuko wa Maendeleo ya Jamii(TASAF)Halmashauri ya Wilaya ya Tandahimba wamepewa elimu ya umuhimu wa kushiriki sensa ya watu na makazi  kwa ajili ya maendeleo ya vijiji vyao na Taifa kwa ujumla

Elimu hiyo imetolewa na wawezeshaji wakati wa uhaulishaji  wa ruzuku kwa walengwa wa kaya maskini ambapo walitumia nafasi hiyo kabla ya kuanza malipo kutoa elimu kuhusu sensa ya watu na makazi

Akizungumza na walengwa leo Julai 29,2022  wawezeshaji wa kijiji cha Nanjanga kilichopo kata ya Ngunja ndugu. Karim Aibu amesema kuwa lengo la Serikali ni kupata takwimu sahihi itakayosaidia  kupanga mipango ya maendeleo

“Sensa ya Watu na makazi italeta maendeleo katika vijiji vyetu ni muhimu kuhudhuria,msiwe na Imani potofu ya kutoshiriki na msikubali mtu awapotoshe kuhusu sensa,lengo la serikali ni njema katika kuleta maendeleo kwa wananchi wake,”amesema Mwezeshaji

Mwezeshai Ndg Silas Kibaya akimkabidhi Mlengwa  malipo yake

Aidha kiasi cha shilingi  259,329,895 zimetumika kuahulishwa kwa walengwa wa taslimu 9473 katika vijiji 157 ikiwa ni malipo ya mwezi Mei na June,2022 ambapo zoezi hilo la siku nne limekamilika leo Julai 29,2022