Wakuu wa Idara na Vitengo watembelea miradi ya Maendeleo

Posted on: July 1st, 2020

Na Kitengo cha Habari na Mawasiliano

Wakuu wa Idara na Vitengo Halmashauri ya Tandahimba wametembelea  miradi  inayotekelezwa na Halmashauri yenye thamani  zaidi ya milioni 566 ambazo zimetokana na fedha za mapato ya  ndani ,Serikali kuu na Tea kwa mwaka 2019/2020 ili kuweza kujionea hatua mbalimbali ya miradi hiyo ilipofikia

Katika Ziara hiyo miradi zaidi ya 42 kati ya miradi 72  inayotekelezwa imeweza kufikiwa na wakuu wa idara na vitengo

Kaimu Mkurugenzi Ally Machela akitoa maelekezo

Baadhi ya miradi  iliyofikia hatua  ya kumalizika ni pamoja na  vyumba vya madarasa ,baadhi ya matundu ya vyoo, Zahanati  na miradi mingine ipo katika hatua ya mwisho huku mingine ikiendelea katika hatua mbalimbali

Zahanati ya Mambamba ipo katika hatua za mwisho

Akizungumza mara baada ya kumaliza kutembelea kata 17 Kaimu Mkurugenzi Mtendaji wa Halmashauri ya Tandahimba Ally Machela amesema hiyo ni awamu ya kwanza ,awamu ya pili watatembelea miradi iliyobaki ili kila mmoja awe anaijua miradi yote iliyopo 

Wakuu wa Idara na vitengo walitembelea Ujenzi wa chumba cha darasa shule ya Sekondari Luagala

“Lengo la kutembelea miradi hii kwa wakuu wa Idara mbalimbali na vitengo ndani ya Halmashauri yetu  ni kujionea kwa macho hatua  iliyopo na kuifahamu miradi hii na kubaini changamoto  zilizopo kwenye miradi hii badala ya kuwaachia wakuu wa idara husika,”amesema Machela

Wakuu wa Idara  na vitengo walitembelea mradi wa ujenzi wa vyumba vitatu vya madarasa shule ya Msingi Mkula 

Naye Mkurugenzi wa Mji mdogo Mahuta Rajabu Lwazi  ambaye ni miongoni mwa waliotembelea miradi hiyo amekiri kuwa katika ziara hiyo ameweza kuifahamu miradi mingi ambayo inatekelezwa na Halmashauri

Ujenzi wa matundu ya vyoo Shule Msingi Mkulung`ulu

“Hii ziara imetusaidia sana kuifahamu miradi inayotekelezwa na Halmashauri yetu maana tangu niwe hapa sijawahi kutembelea miradi mingi kama hivi na imenisaidia kuijua na kutoa ushauri pale ambapo tunaona panahitaji ushauri,”amesema Lwazi

Wakuu wa Idara na Vitengo wakimsikiliza Afisa mtendaji akisoma taarifa ya mradi waujenzi wa  nyumba ya mwalimu  kijiji  cha Namkomolela