Wajumbe wa Kamati za Mtakuwwa ngazi ya Kata wajengewa Uwezo

Posted on: January 16th, 2023

Na Kitengo cha Mawasiliano

Wajumbe  wa Kamati ya Mpango wa Taifa  wa Kutokomeza  Ukatili dhidi ya Wanawake na Watoto (MTAKUWWA) ngazi ya Kata  wametakiwa  kuzingatia mafunzo yatakayotolewa ili kutekeleza  majukumu  kwa ufanisi katika maeneo yao

Akizungumza Januari 16,2023 wakati akifungua mafunzo hayo Kaimu Mkuu wa Idara ya Maendeleo ya Jamii Wilaya ya Tandahimba Ndg.Ismaely Mbilinyi  kwa niaba ya Mkurugenzi Mtendaji amesema kuwa  kamati hizo zinatakiwa kufanya kazi kwa ushirikiano ili kutokomeza vitendo vya ukatili katika maeneo yao

“Mafunzo haya ni muhimu  kuyazingatia ili mkatekeleze kwa ufanisi majukumu  katika maeneo yenu ,”amesema Mbilinyi

Kwa upande wa wawezeshaji  wa mafunzo wamewasilisha mada  nne kwa washiriki  kwa siku ya kwanza ikiwa ni miongoni mwamada 11 ambazo zitawasilishwa katika mafunzo hayo

Mafunzo hayo ya siku tatu yatahitimishwa Januari 18,2023 ambapo  Wajumbe Kata  nane ambazo ni Litehu,Ngunja,Nambahu,Mkonjowano,Chaume,Luagala,Lyenje na Mkwedu wanashiriki mafunzo hayo ikiwa ni muendelezo wa mafunzo ya Mtakuwwa yanayotolewa  ngazi ya kata