Waheshimiwa Madiwani na wataalamu wa Halmashauri ya Tandahimba wafanya ziara ya kujifunza Jiji la Mbeya

Posted on: March 21st, 2023

Waheshimiwa Madiwani

Na Kitengo cha Mawasiliano

Waheshimwa Madiwani na baadhi ya Wataalamu wa Halmashauri ya Wilaya ya Tandahimba wamefanya ziara ya siku Mbili Halmshauri ya  Jiji la Mbeya ili kujifunza Uanzishaji na Uendeshaji wa Shule za Msingi za lugha ya kiingereza(English Medium) zinazomilikiwa na Halmashauli,Usimamizi na Uhifadhi wa taka ngumu na usafi wa mazingira na namna ya ukusanyaji wa mapato ya ushuru wa huduma

Baadhi ya Wataalamu wa Halmashauri ya Wilaya ya Tandahimba walioambatana na Waheshimiwa madiwani katika ziara

Ziara hiyo ya siku mbili imeanza Februari 21,2023 ambapo Mchumi wa Halmashauri ya Jiji la Mbeya  aliwasilisha taarifa ya uanzishaji na ubunifu wa shule hizo na jinsi zinavyoongeza mapato ya Halmashauri ya Jiji hilo

Aidha amesema kuwa mbali na Halmashauri kupata mapato lakini pia wanatoa huduma kwa wananchi wenye kipato cha kawaida kuweza kuwasomesha watoto wao kwa gharama nafuu

Naye Mkuu wa kitengo cha Udhibiti wa Taka ngumu wa Jiji la Mbeya akisoma taarafa yake jinsi walivyofanikiwa amebainisha  kwamba jukumu hilo limekasimishwa ngazi ya kata ambapo njia hiyo imefanikiwa kuweka mazingira katika hali ya usafi