Wafugaji marufuku kuingia kwenye vijiji bila kibali Tandahimba-DC

Posted on: October 1st, 2021

Na Kitengo cha Habari na Mawasiliano

Mkuu wa Wilaya ya Tandahimba Mhe.Kanali Patrick Sawala amepiga marufuku kwa wafugaji kuingia katika Wilaya ya Tandahimba bila kufuata taratibu  na sheria  ili kuepuka migogoro isiyo ya lazima katika jamii iliyopo eneo husika

Mkuu wa Wilaya ya Tandahimba Mhe.Kanali Patrick Sawala akieleza jambo  kwa wananchi wa kijiji cha Dinyeke

Ameyasema hayo kwenye ziara yake ya kujitambulisha na kusikiliza kero za wananchi wa kijiji cha Chikongo na Dinyeke kata ya Mkoreha ambapo amesema ili wafugaji wapewe eneo lazima wafuate taratibu kama hakuna taratibu ambazo zimefuatwa katika eneo husika wanapaswa kuondolewa haraka

Wananchi wa kijiji cha Chikongo wakimsikiliza Mkuu wa Wilaya ya Tandahimba(hayupo pichani)

“Mifugo tunaipenda lakini lazima utaratibu ufuatwe na wananchi waambiwe katika kijiji husika,lakini kama mfugaji hajafuata taratibu na kibali hana lazima aondoke ili kuepusha migogoro katika jamii ambayo inaweza kusababisha uvunjifu wa amani katika eneo husika hilo halikubaliki na hatua kali za kisheria tutachukua,”amesema Dc Sawala

Wataalamu wakifuatilia  maswali ya wananchi kuhusu masuala mbalimbali ambayo ni kero kwa wananchi wa Dinyeke

Aidha akiwa katika vijiji hivyo amezungumzia  masuala mbalimbali ikiwemo Elimu,Afya,maji,umeme,kilimo na ushirika,barabara,ulinzi na usalama na ushiriki wa wananchi katika  miradi ya maendeleo pia amesistiza wananchi  katika msimu huu ulioanza wahakikishe wanauza korosho zao kwenye vyama vyao vya msingi ili waweze kupata fedha zitakazoongeza maendeleo ya kijiji chao

Wananchi walitoa kero zao kuwa  ni pamoja na upungufu wa walimu,mifugo,maji,umeme,barabara,zahanati ambapo majibu ya kero zao zilijibiwa na wataalam walioambatana na Mkuu wa Wilaya katika ziara yake