Wadau Tandahimba wamuunga mkono DC Waryuba mapambano dhidi ya Covid -19

Posted on: May 11th, 2020

Na Kitengo cha Habari na Mawasiliano

Wadau mbalimbali wametoa vifaa tiba  kwa ajili ya mampambano dhidi ya maambukizi ya  ugonjwa wa Covid -19 kuunga mkono jitihada za  Mkuu wa Wilaya ya Tandhaimba Sebastian Waryuba ili wananchi  waendelee kuwa salama

Dc Waryuba  akiwa na Mkurugenzi Mtendaji  Said Msomoka, Katibu Tawala Benaya Kapinga na maafisa wengine wakati wa makabidhiano ya vifaa  nje ya ofisi yake

Wadau ambao wameweza kutoa michango mbalimbali ya vifaa tiba kwa ajili ya mapambano dhidi ya ugonjwa wa Covid -19 ni pamoja na Baraza la madiwani,watumishi,wadau wa elimu ,Chama cha Walimu,Benki ya NMB,Benki ya CRDB na baadhi ya Wafanyabiashara ndani ya Wilaya

Baraza la madiwani wamechangia kila mmoja fedha kwa ajili ya mapambano ya Corona

Akizungumza baada ya Kukabidhi vifaa tiba Afisa Elimu Msingi Hadija Mwinuka amesema kuwa  jitihada hizo zinachukuliwa ili kujikinga na maambukizi ya ugonjwa wa Covid -19 ndani ya Wilaya wananchi waweze kuwa salama na kuendelea na shughuli za maendeleo

Kaimu Mkurugenzi Mtendaji  ahmada Suleiman akipokea vifaa kutoka kwa Afisa Elimu Msingi Hadija Mwinuka

“Vifaa hivi vimetolewa na Wadau mbalimbali wa elimu ,watumishi wa elimu pamoja na Chama cha Walimu (C.W.T) ikiwa ni jitihada za kuunga mkono agizo la Mkuu wa Wilaya  la kila mtu aweze kuchangia katika mapambano haya ili Wilaya yetu iendelee kuwa salama kwa kujikinga na maambukizi,”amesema Mwinuka

Baadhi ya Watumishi wa Halmashauri ya Tandahimba ambao nao wamechangia fedha katika mapambano ya Covid -19

Naye Meneja wa NMB tawi la Tandahimba Julietha Ndazi  amesema watumishi wameweza kutoa ndoo za kunawia mikono  ili kuunga mkono kauli ya Mkuu wa Wilaya katika mapambano dhidi ya maambukizi ya Covid -19

Meneja wa Nmb Tawi la Tandahimba Julietha Ndazi akikabidhi vifaa hivyo

Aidha Meneja wa CRDB tawi la Tandahimba Emmanuel Hitla  amesema  mapambano dhidi ya  maambukizi ya Covid -19 ni ya kila mmoja  hivyo   ili shughuli za maendeleo ziendelee inahitaji wananchi wawe salama kwa kujikinga na virusi vya Corona

Meneja wa Crdb Tawi la Tandahimba Emmanuel Hitla akikabidhi vifaa kwa Kaimu Mkurugenzi Ahmada Suleiman