Viongozi wa Wilaya washiriki mradi wa ujenzi wa darasa Kata ya Lukokoda

Posted on: March 7th, 2023

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala akiwa pamoja  na KU,Mkurugenzi Mtendaji Halmasahauri ya Wilaya ya Tandahimba Ndg.Mussa Gama na  na Wakuu wa Idara  na Vitengo wameshiriki kujaza kifusi mradi wa ujenzi wa vyumba viwili vya madarasa shule ya sekondari Lukokoda

Mradi huo umeibuliwa na wananchi wa  Kata ya Lukokoda ambapo shughuli ya ujazaji wa kifusi umefanyika Machi 7,2023 kwa kushirikiana na wananchi ambao wamejitokeza kwa wingi ikiwa ni kuamsha ari kuelekea siku ya wanawake Machi 8,2023

Akizungumza mara baada ya kukamilisha shughuli ya kujaza Kifusi Dc Sawala amewapongeza wananchi kwa kuibua mradi huo ambao utawanufaisha wanafunzi wa kata hiyo lakini kushiriki katika miradi ya maendeleo

“Nawapongeza kwa kuibua mradi huu lakini pia kwa ushiriki wenu katika miradi ya maendeleo,tumekuja kushiriki na wananchi wa kata ya lukokoda ili kuunga juhudi mnazozifanya,lakini pia tunaelekea siku ya wanawake  ikaamshe ari kwenu kushiriki katika maadhimisho haya,”amesema Dc Sawala

Aidha amewasistiza wananchi kupinga ukatili wa jinsia ambao unafanyika  katika jamii kwa kutoa taarifa katika  vyombo husika ili viweze kuchukua hatua stahiki kwa muhusika ili kutokomeza vitendo hivyo

Naye Mkurugenzi Mtendaji Halmashauri ya Wilaya ya Tandahimba Ndg.Gama kuunga juhudi za wananchi katika mradi huo Halmasahauri imekabidhi saruji mifuko 20 ili iweze kusaidia katika mradi huo

“Halmashauri kwa kutambua mchango wenu wa kuibua mradi huu tunakabidhi mifuko hii ili ikaongeze nguvu katika mradi huu uweze kukamilike kwa wakati wanafunzi wetu waweze kutumia madarasa haya,”amesema Mkurugenzi