Vijana Tandahimba washiriki upandaji miti na usafi wa mazingira

Posted on: March 21st, 2023

Na Kitengo cha Mawasiliano

Kuelekea uzinduzi wa Mbio za Mwenge wa Uhuru Kitaifa Mkoani Mtwara  Aprili 1,2023 Vijana wa Halmashauri ya Wilaya ya Tandahimba wakiongozwa na Katibu Tawala Wilaya ya Tandahimba Ndg. Juvenile Mwambi wameshiriki kupanda miti na kufanya usafi wa mazingira katika hospitali ya Wilaya ya Tandahimba

Zoezi la Upandaji  miti limefanyika Machi 21,2023 katika shule ya msingi Nandonde na nje ya uwanja wa mpira wa Majaliwa  katika Kata ya Tandahimba

Aidha Katibu Tawala amewapongeza vijana kwa kushiriki lakini pia ametoa wito kwa vijana wa Tandahimba kujitokeza kwa wingi katika uzinduzi wa Mbio za Mwenge wa Uhuru Kitaifa Mkoani Mtwara na kuupokea Mwenge wa Uhuru Halmashauri ya Wilaya ya Tandahimba Aprili 5,2023 katika kata ya Miuta

Kauli mbiu ya Mwenge wa Uhuru mwaka 2023 “Tunza Mazingira Okoa Vyanzo vya maji kwa Ustawi wa viumbe hai na Uchumi wa Taifa”