Upepo waleta madhara Shule ya Msingi Amani

Posted on: September 14th, 2022

Na Kitengo Cha Mawasiliano

Upepo Mkali  umeezua paa la vyumba viwili vya madarasa  na ofisi moja ya walimu  na kusababisha  wanafunzi kumi na tatu (13) waliokuwepo  ndani ya darasa  kupata majeraha katika shule ya Msingi Amani iliyopo Kata ya Tandahimba Halmashauri ya Wilaya yaTandahimba

Tukio hilo limetokea leo Septemba 14,2022 saa 8.15 mchana  ambapo  upepo baada ya kuezua sehemu ya paa hilo liliangukia ndani ya darasa la tatu ambapo walikuwemo wanafunzi wanaendelea na masomo na kuwajeruhi baadhi ya wanafunzi

Wanafunzi hao 13 wote walipelekwa katika Hospitali ya Wilaya ya Tandahimba kwa ajili ya matibabu ambapo Dk.Fatuma Juma  ambaye alikuwa zamu amesema kuwa amewapokea wanafunzi  13.,wanafunzi 12 walipata majeraha madogo madogo na wengine ni mshtuko wametibiwa na wameruhusiwa kurudi nyumbani na mwanafunzi mmoja amelazwa kwa matibabu zaidi

“Nimewapokea wanafunzi 13 ambapo  wasichana idadi yao ninane (8) na wavulana watano(5) hawa kumina mbili baadhi walikuwa majeraha madogo madogo tumewatibu  lakini wengine ni mshtuko tunashukuru wote wanaendelea vizuri  tumewaruhusu warudi nyumbani,mmoja amelazwa kwa ajili matibabu zaidi,”amesema Dk.Fatuma

Mkuu wa Wilaya ya Tandahimba Mhe.Kanali Patrick Sawala akiwa pamoja na Kaimu Mkurugenzi Mtendaji Ndg.Robert  Mwanawima na Kamati ya Usalama Wilaya walifika shuleni hapo kuangalia hali halisi baadaye walifika hospitali kutoa pole kwa wanafunzi hao