Upepo Mkali waharibu miundombinu ya Shule na makazi ya watu Tandahimba

Posted on: November 15th, 2022

Na Kitengo cha Mawasiliano

Katibu Tawala  Wilaya ya Tandahimba Ndg.Juvenile Mwambi na Kaimu Mkurugenzi Mtendaji Halmasahauri ya Wilaya ya Tandahimba Ndg.Robert Mwanawima wamewahakikishia wananchi walioathirika na mvua katika Kata ya Mndumbwe na Milongodi kuwa Serikali ipo pamoja nao na hatua za awali zimechukuliwa

Akizungumza Novemba 16,2022  kwa niaba ya Mkuu wa Wilaya ya Tandahimba Ndg.Juvenile Mwambi akiwa na wajumbe wa Kamati ya Maafa Wilaya wametoa pole kwa wananchi wa Kijiji cha Mambamba,Majengo na Namkomolela walioathirika na maafa hayo

Mvua iliyoambatana na Upepo Mkali iliyotokea Novemba 15,2022 imeharibu Jumla nyumba 43 za wananchi wa Kijiji cha Mambamba na Majengo Kata ya Mndumbwe lakini pia imeaharibu Miundombinu ya Chumba kimoja cha Darasa  Shule ya Msingi Namkomolela iliyopo Kata ya  Milongodi

Hata hivyo baadhi ya waathirika waliotembelewa katika maeneo yao wameipongeza Serikali kwa kujali wananchi wake kwa kufika na kuona hali halisi ikiyojitokeza baada ya maafa hayo