UN WOMEN WATOA MAFUNZO KWA WAWEZESHAJI WA MASUALA YA KUTOKOMEZA UKATILI WA KIJINSIA MKOA WA MTWARA Wawezeshaji wa masuala ya kutokomeza.

Posted on: December 13th, 2024

 Na Kitengo cha Mawasiliano 

Wawezeshaji wa masuala ya kutokomeza ukatili wa kijinsia wametakiwa  kwenda kuelimisha  na kuwawezesha wengine katika  jamii kufahamu athari za ukatili wa kijinsia na hatua za kuchukua kukomesha tatizo hilo.

Hayo yamesemwa leo  Desemba 13,2024 na Afisa Usimamizi Fedha Mkoa wa Mtwara CPA.Norbert Shee kwa niaba ya Katibu Tawala Mkoa wa Mtwara kwenye mafunzo ya wawezeshaji wa masuala ya kutokomeza Ukatili wa kijinsia  yaliyofanyika Halmashauri ya Wilaya ya Tandahimba.

" Tunawashukuru wadau wetu Shirika la Umoja wa Mataifa  la UN Women kwa kuendelea kuunga mkono  jitihada za Serikali,ambapo mafunzo haya yatawezesha washiriki kupata uelewa na maarifa sahihi juu ya afua za ukatili wa kijinsia na mbinu za kukabiliana nao, " amesema Shee

Kwa.upande wao wawezeshaji wa mafunzo hayo wamewasilisha mada  mbalimbali ambapo pia wamesistiza ushirikiano katika kupambana na ukatili wa kijinsia  katika jamii  kwakuwa madhara yake  ni pamoja na kuleta umaskini katika Kaya na Jamii kwa ujumla.

Mafunzo hayo yamewezeshwa na Shirika la Umoja wa Mataifa linaloshughulikia .masuala ya Usawa wa Kijinsia  na Uwezeshaji  wa wanawake ( UN WOMEN) kwa kushirikiana na Ofisi ya Mkuu wa Mkoa wa Mtwara.