“Ukifanyiwa Ukatili usinyamaze sema katika vyombo vinavyosimamia haki”Dc Sawala

Posted on: December 6th, 2022

Na Kitengo cha Mawasiliano 

Mkuu wa Wilaya ya Tandahimba Mhe.Kanali Patrick Sawala amevitaka vyombo vyote vinavyosimamia haki ndani ya Wilaya ya Tandahimba kuwajibika kila mmoja kwa nafasi yake ili haki itendele kupinga vitendo vya kikatili visiendelee katika jamii

Amesema hayo Disemba 6,2022 katika Kongamano la maadhimisho ya siku 16 za kupinga Ukatili Kiwilaya ambalo limefanyiuka katika ukumbi wa Mikutano wa Halmashgauri na kuhudhuriwa na wadau mbalimbali

“Vitendo vya ukatili katika Wilaya yetu vipo,natoa rai usikae kimya ukifanyiwa vitendo vya ukatili vyomba vipo  vya kushughulikia haki,vyombo vya  kusimamia haki hakikisheni kila mtu kwa nafasi yake anatekeleza wajibu wake ili haki itendeke ,”amesema Dc Sawala

Aidha ameeleza kuwa  ndani ya familia  kila mmoja atambue wajibu na haki yake,uhuru  upo katika kufanya kazi kwa bidii kwakuwa wanawake wanaweza katika Nyanja mbalimbali

Naye Mkurugenzi Mtendaji wa shirika la Door  of Hope Tanzania Ndg.Clemence Mwombeki amesema rushwa ya ngoni moja  ya ukatili unaoondoa utu  hivyo jukumu la wadau ni kushirikiana na Serikali katika kuchukua hatua za kupinga ukatili

Kongamano lilihudhuriwa na  wadau mbalimbali wakiwemo wawakilishi kutoka Ubalozi wa Canada ,maadhimisho ya siku 16 za kupinga Ukatili wa kijinsia yalianza Novemba 25,2022 ambapo Kiwilaya imeadhimishwa kwa kutoa elimu katika makundi mbalimbali na kuhitimisha kwa kongamano lililowashirikisha wadau