“Tusimamie ukusanyaji wa mapato ili bajeti yetu itekelezeke kwa asilimia 100”Mhe Baisa

Posted on: February 6th, 2023

Na Kitengo cha Mawasiliano

Mwenyekiti wa Halmasahauri ya Wilaya ya Tandahimba Mhe.Baisa  Baisa amesema kuwa ili Bajeti  iweze kutekeleza mipango iliyopangwa ni jukumu la madiwani na wataalamu  wa Halmasahauri kusimamia ukusanyaji wa mapato ili mipango itekelezeke

Amesema hayo wakati akifunga kikao Maalum cha Baraza la Madiwani cha Mapendekezo ya Mpango na bajeti ya Halmasahauri kwa mwaka wa fedha 2023/2024 kilichofanyika katika ukumbi wa mikutano wa Halmashauri Januari 6,2023

“Tusimamie na kuimarisha ukusanyaji wa mapato yetu ya ndani ili yale ambayo tumepanga yatekelezeke,tusitegemee vyanzo vichache kama vile korosho, tunavyo vyanzo vingi tukisimamia mapato yetu yataongezeka na yote ambayo yapo kwenye mpango yatafanyika ,”amesema Mwenyekiti

Halmashauri ya Wilaya ya Tandahimba imejiwekea lengo la kukusanya  na kutumia shilingi 5,558,727,900 kwa mwaka wa fedha 2023/2024 kutoka katika vyanzo vyake vya ndani vya mapato