TASAF kuvifikia vijiji 69 viliyosalia Halmashauri ya Tandahimba

Posted on: April 27th, 2021

Na Kitengo cha Habari na Mawasiliano

Wananchi wa Halmashauri ya Wilaya ya Tandahimba wametakiwa  kutoa ushirikiano kwa wawezeshaji ili waweze  kupata taarifa sahihi ambazo zitawasaidia kwenye zoezi la mpango wa kunusuru kaya maskini wa  TASAF awamu ya pili kipindi cha tatu ambapo vijiji 69 vitafikiwa katika mpango huo

Akizungumza kwenye mkutano wa kijiji cha Malopokelo Afisa Ufuatiliaji wa TASAF makao makuu Bi  Judith Woiso amesema kuwa lengo la serikali ni kuwafikia wananchi  wa Kitanzania  ambao wanaishi katika hali duni  hivyo  vikao vinasaidia kuleta uwazi kwa wananchi kuwadhibitisha kwenye ngazi ya kijiji

Afisa  ufuatiliaji TASAF makao makuu bi Judith Woiso(aliyesimama) akizungumza na wananchi wa kijiji cha Malopokelo

“Wananchi mnatakiwa muhudhurie kwa wingi   vikao kama hivi vinasaidia kuwatambua ambao watachukuliwa taarifa zao ili  mjiridhishe kwa uwazi kuwa wanastahili kuingia kwenye mpango,pia  mpango  huu unakuja na miradi mbalimbali ambayo itawanufaisha wananchi wote wa kijiji husika si walengwa  peke yao,”amesema bi Woiso

Wananchi wa kijiji cha Malopokelo wakiwa kwenye mkutano wa kijiji  na wawezeshaji  wa TASAF

Wananchi wa  vijiji ambavyo vimefikiwa na mpango huu wa kipindi cha pili wameishukuru serikali kwa mpango huo  ambao wanatarajia utawanufaisha na kuwaondoa katika umaskini

“Tunaishukuru serikali kwa mpango wa TASAF katika vijiji  vyetu ambavyo havikufikiwa tunaamini kwa wale ambao wamekidhi vigezo mpango huu utakwenda kuwasaidia  na kuwawezesha kuishi maisha ya mtanzania wa kawaida angalau yakupata mlo wa siku,”amesema Kassim Mussa Mkazi wa Malopokelo

Mkazi wa Kijiji cha Malopokelo ndugu Kassim Mussa akitoa pongezi kwa serikali kwa kuleta mpango wa TASAF kijijini hapo

Mpango wa kunusuru kaya maskini kipindi cha pili awamu ya tatu Katika Halmashauri ya Wilaya ya Tandahimba ulizinduliwa na Mkuu waWilaya ya Tandahimba Sebastian Waryuba  ambapo vijiji 69  sawa na asilimia 44 vitafikiwa ,awali mpango huu ulifikia vijiji 88 sawa na asilimia 56

Mkuu wa Wilaya ya Tandahimba Mhe. Sebastian Waryuba (kati) akiwa pamoja na wawezeshaji  ngazi ya Wilaya (waliosimama),aliyekaa wa kwanza kushoto Mwenyekiti wa Halmashauri Mhe.Baisa Baisa,Kaimu Mkurugenzi wa ukaguzi TASAF Makao makuu ndg Shedrack Mziray ,Katibu Tawala Juvenile Mwambi na Kaimu Mkurugenzi Mtendaji wa Halmashauri a Tandahimba Hadija Mwinuka

Wawezesha ngazi ya Wilaya  baada ya kumaliza mafunzo wameanza kufanya utambuzi katika maeneo husika  ngazi za vijiji,zoezi linaloendelea ni uchukuaji wa taarifa za kaya ambapo hadi kufikia  Mei 6, mwaka huu  zoezi hilo litakuwa limekamilika kwa vijiji 69 vilivyobaki ndani ya Halmashauri 

Mwezeshaji wa TASAF Makao Makuu ndg Joseph Elieza akitoa mafunzo kwa wawezeshaji ngazi ya Wilaya