TANECU Wakabidhi mifuko ya Saruji 750 na fedha Tsh.Mil 5 kwa shule za Msingi na Sekondari Tandahimba

Posted on: January 20th, 2023

Na Kitengo cha Mawasiliano

Mkuu wa Wilaya ya Tandahimba Mhe.Kanali Patrick Sawala  amekabidhi  mifuko ya saruji 750 yenye thamani ya zaidi ya shilingi Mil.11 na fedha taslimu Shilingi Milioni tano (5,000,000) ambayo imetolewa na Chama Kikuu cha Ushirika TANECU kwa baadhi ya Shule za Msingi na Sekondari Halmashauri ya Tandahimba

Akizungumza katika  hafla ya kukabidhi vifaa na fedha  hizo katika ukumbi waMikutano wa Halmashauri ya Tandahimba Januari 20,2023 Dc Sawala amepongeza hatua hiyo ambayo inaleta maendeleo katika idara ya Elimu

Pichani Walimu Wakuu na Maafisa Elimu Kata  ambao shule zao zimekabidhiwa saruji na fedha za vifaa

“Nawapongeza Tanecu kwa hatua hii ambayo mmefanya,ni wito wangu kwa walimu wa shule ambazo zinapokea vifaa na fedha hizi kuwa zitatumika kama zilivyokusudiwa,”amesema Dc Sawala

Kwaupande wa Mwenyekiti wa Tanecu Ndg.Karimu Chipola amesema kuwa bvifaa hivyo ni kurudisha kwa jamii kile ambacho wamekipata ambao ndiyo wadau wa Ushirika sambamba na kuunga mkono Jitihada za Mhe.Rais wa Awamu ya sita katika shughuli za Maendeleo

“Tumetoa vifaa hivi na fedha kwa shule 16 ambapo wengine wamepayta mifuko ya saruji na wengine wamepata fedha kwa ajili ya kununulia vifaa kama mashine ya kopi na kompyuta kama walivyoomba,lakini pia huu ni mwanzo tutaendelea kurudisha kile tunachokipata kwa jamii,”amesema Chipola

Naye Kaimu Mkurugenzi Mtendaji wa Halmashauri ya Wilaya ya Tandahimba Bi.Jane Mallongo ametoa shukrani kwa Tanecu na amewahakikishia kuwa vifaa na fedha hizo zitakwenda kutumika kama ilivyokusudiwa katika idara  ya elimu

Kaimu Mkurugenzi Mtendaji Bi.Jane Mallongo akisema jambo katika ghafla hiyo